كلمات أغنية انا اللي تنساني
- كلمات
- احمد شفيق كامل
- ألحان
- كمال الطويل
انا اللي تنساني انا وانا اللي تسلاني انا
ده انا اللي مشغول بك واحب نار حبك
ياقلبك الجاني
انا اللي يتنسي حبي وتبقى انتا اللي ناسيني
انا اللي ينجرح قلبي بهجرك وانتا نورعيني
انا الحب اللي راح تندم عليه لو راح ربيع عمره
دانا القلب اللي راح تحلم بعطفه لو يغيب فجره
وتنسى ازاي وتقسى ازاي وتظلم مين وتحرم مين
انا اللي تنساني
انا اللي تنطفي شموعي في ليل حبك بهجر سنين
انا اللي يرخصه دموعي على ايديك دول اعز ايدين
انا الدمع اللي عاش غالي ويغلى لما يرخصلك
انا الشمع اللي بيحلالي لهيبي بس انورلك
وتنسى ازاي وتقسى ازاي وتظلم مين وتحرم مين
انا اللي تنساني
انا اللي ينظلم عمري وتخسر في الهوى جروحي
وتبقى انتا نديم فكري يانايم عن عذاب روحي
دانا العمر اللي يتمنى يطول بالهنا عمرك
وانا الفكر اللي ماتهنى ولا ريحتو في هجرك
وتنسى ازاي وتقسى ازاي وتظلم مين وتحرم مين