كلمات أغنية ابو عيالي
- كلمات
- نبيله قنديل
- ألحان
- حلمي امين
يا مالى الدنيا علي يا أبو عيالي
وحياة قلبي وعينيَّ .. أمي داعية لي
يا مهنيني يا مستتني يا مريحني يا مفرحني
يا حنين ..
الأماني اللي بنيتها لما كنا مخطوبين
والليالي حققتها واحنا اهو متهنيين
السعادة فى ذكرياتك عايشة تحلف لي بحياتك ..
عمري مش ح استغنى عنك
يا حبيبي يا غالي
وحياة قلبي وعينيَّ .. أمي داعية لي
يا مهنيني يا مستتني يا مريحني يا مفرحني
يا حنين ..
كل حاجه عنيك تشوفها وتلاقيها تليق عليَّ
والتقيتك لى اشتريتها تبقى عندى اجمل هدية
تفتكرني وتنسى نفسك .. ربنا يبارك في حبك
عمري مش ح استغنى عنك
ما اتحرمش ان شاالله منك
يا حبيبي يا غالي
وحياة قلبي وعينيَّ .. أمي داعية لي
يا مهنيني يا مستتني يا مريحني يا مفرحني
يا حنين ..
عيشة بتشرف باسمك قدام الناس يا حبيبي
وفي ولادي بلقى رسمك صورة من حبي ونصيبي
والتقى بعطفك ابوي .. وبحنانك روح اخوي
يا معوض لي حضن امي
يا منسيني كل همي
يا حبيبي يا ابو عيالي
وحياة قلبي وعينيَّ .. أمي داعية لي
يا مهنيني يا مستتني يا مريحني يا مفرحني
يا حنين ..