كلمات أغنية فزعة المضهود

من هاجس لادور الجزل يلقاه
يطرب على عد البيوت الجزيله

اتعب على مضمون شعري ومعناه
واصخر الي دايم مستحيله

سلام ياشيخ طروقه مخلاه
شيخ فرق بالطيب عن كل جيله

شيخ يصب السمن من فوق يمناه
وترفع له البيضاء براس الطويله

الي مواقيفه تعز القبيله

زامل وزامل محزم لاعدمناه
في كل علم نذكره ونعنيله

هو فزعة المضهود لاجاه ينخاه
ياقف معه والحمل عنه يشيله

صميدع كل المخاليق تنصاه
يركي على متنه حمول ثقيله

زامل سماء بالطيب من طيب مجناه
حر تسلسل من حرار اصيله

زامل ولد عود على الطيب رباه
يالله عساء فالردوس الاعلى حصيله

متميز بالطيب كنه وكيله

يلقاه في قصر اتذري زواياه
قصر ركونه شامخات ظليله

في ضف حكام البلاد المسماه
اهل المفاخر والسيوف الصقيله

زامل زها المدح والمدح يزهاه
من روس ربعي محتمين الدبيله

لاد الحبيبي عون من ضاعت ارياه
عون الرفيق وللمعادي مليله

تغالب من نسل وايل ومنشاه
اهل الفعول الشامخات المهيله

داوسر في كل وقفاتنا ادهاه
ياسعد منا فالزمن نرتكيله