كلمات أغنية غيبوبة افكار

عيني اللي كل مادورت حلو المنام
اعترض فيها خيال يطير نومها

صورت باقفلها من محبه واحترام
ماقدرت انسى سنتها ولا انسى يومها

علمتني بـ الطواريق وفنون الغرام
وكيف اعرف السلعه اللي رفيعن سومها

مر عام وراح واليوم دون العام عام
والظروف اجلسبها جلستي واقومها

واكره معاتب كثير اخوياي ولومها

وجد حالي كل ما ناح مفجوع الحمام
واخذت نفسي من اقسى الحزن مقسومها

يبتدي في خاطري للهواجيس ازدحام
و اتثيقل حمل نفسي و عاف اعزومها

رحت فـي غيبوبة افكار ومسامر ظلام
ليلتن فيها السحايب تحجب نجومها

مونس جرح المفارق و لوعات الهيام
علتن فـ ابيات شعري تبين رسـومها

كبرياها للعرب زادها قدر ومقام
لو نفضت الارض ماطاح منها تومها

امنعتني شيمتي والعرب وسلومها

مايبرد لهفة الشوق مرسول السلام
كان مافي الوقت فرصه تجيب علومها

المحبه مالها قيد فـ الشرع ونظام
ترهن قلوب المحبين تحت سهومها

غادين حالي بعدها مثل عود الثمام
في ديارن جف ماها وشدو قومها