كلمات أغنية سحر القلوب

ماسريت الليل من دون لاعرف الدروب
قبل يطوي الفكر مابين عرفي وجهلي

نازع عن غرة الشوف من وقت الغروب
سبع ساعات تقافت بضيقي وزعلي

والله ان لـو ماسمي الي مقدر ومحسوب
واستر الي مادرى عنه غير المعتلي

كان في وجهي يبين من الضيقه شحوب
فـ آخر الايام كل يبا يشره علي

قام يغلي بالمشاعر على الطاري غلي

الهواء ماهوب عيب يعد من العيوب
اخذ من حاضري شي من مستقبلي

ناهب عقلي هواء طاري الريم اللعوب
قايدة زين عليها الجواهر والحلي

لاطرالي مبسم وسطه الهرجه تذوب
احمر يلمع بريقه مثل لمع الجلي

والعيون الي هدبها يوقع فالقلوب
سحرها لاصاب يذنب بقلب المبتلي

خدها بدر تعالى على بيض النصوب
يخلط الرق الحريري بلمس ال مخملي

من رماد النار يلفح بجمر يصطلي

نادر فالحسن سواه علام الغيوب
مثل مايندر من الزين ساس الباتلي

اتلع يفرق عن الغيد بالعنق الجذوب
وعرقه من المذهب الشافعي والحنبلي

عن شمالي نجد يسكن بحده من جنوب
يقسم الظل المهيف بحد مفصلي

من تجرع حلو الايام عنها مايتوب
لو من مطير العظيمه تعزوى العبدلي

اعذروني كل ماهب للطاري هبوب
واذكروني كان مالله تعالى رد لي

معلومات الاغنية
كلمات ماجد بن محصان
أداء فايز الدوسري
هندسة وتوزيع نياف الشيباني
توزيع ديجيتال الفان ديجيتال
تصميم ناصر البقمي