كلمات أغنية الليلة المنكوبه
- كلمات
- عارف بن مزيد العضياني
- ألحان
- فايز الدوسري
ي ثمان سنين كني عايش بغيبوبه
واحسافه ياثمانً ضاعت من سنيني
كلها من بعد فرقا الجادل الرعبوبه
شيخةٍ ميلادها ٩٣
من سببها خاطري له وقت دوبه دوبه
مختلف رغم اختلاف الوقت والروتيني
اترك اللي سامرين ونارهم مشبوبه
نقوة اصحابٍ عن السر الخفي داريني
قلت وابوكم على قلبي ودمعة عيني
انحر الفج الوسيع اللي وساع دروبه
ولاتناسا لين اسوي قافٍ يسليني
فيك ياللي وصفها كامل صفر عذروبه
شبه وضحىً فارقه في نخبة العشريني
عشت معهْا احلْى مراحل عمري المكتوبه
وْوادعتني بعد ست وست فالالفيني
ماني بناسي هجاد الليله المنكوبه
الاحد ف ٧/٢ ليلة الاثنيني
الانوثه بعد هاذيك اللعوب اكذوبه
لوُ بستبدل هواها ماحدٍ يغريني
وزنها من ٥٥ ل ٦٠
يمها الافواه تنطق ويش هالاعجوبه
طولها فوق المتر ثابت على ال٧٠
اتبختر كنها قصيدتن مطلوبه
وتغلا مثل طفلن في كنف جديني
كنها قافٍ هل الابداع ماغنوا به
فارق التركيب والمضمون والتلحيني
عينهْا على عيون العاشقين اعقوبه
وعودْها فيه النعومه والترف والليني
من حمْار خدودها يطري علي مضروبه
ومن سواد عيونها يطري علي ترثيني
خصرها مقاس خصر الدله المربوبه
وفوُقه مرايه عليها حطّ فنجاليني
القصايد فالغزل لااوصافها منسوبه
شي واقع لاهو بصدفه ولاتخميني
روحت ثمان مالي عنها هواها توبه
عايشً مابين هاتيني وبين اخذيني
كل عشاق الزمان احقوقهم مسلوبه
وخايفٍ ماجاء الدجيما فالغرام ايِجيني !!