كلمات أغنية وش يحبس الدمعه

عبدالهادي ابوديه

يابوي دمعتك انزفت ماهي بزيف
دمعة عزيز وده انها بجوفه

لاتشتحن ضيف الله معزب الضيف
جعله يعين ماتعين ضيوفه

سعيد ابوديه

ياهادي الخاطر من احزانه امعيف
ابوك نيبان الليالي تحوفه
فقد ابن حاجب حزن اقطع من السيف
لاسله اللي ماتراعد كفوفه

عبدالهادي ابوديه

ابوحسن فقده على اهل المواقيف
وكل ابلج عليه بان امعروفه

وين الذرى واللي رحل رجم منيف
عقبه خساراتنا ماهي بمخلوفه

سعيد ابوديه

كيف انتحمل غيبة ابو حسن كيف
ياليتها غيبه سببها ظروفه

بس المصيبه مات راعي المعاريف

عبدالهادي ابوديه

نبكي على اللي فالقسا مزبن وريف
وساعة رحيله مابعدها حسوفه

ياشينها صدفة كبار الصواديف
منها ابتسامات الوجيه امخطوفه

سعيد ابوديه

دموعنا ماهي دموع المواليف
دموعنا غيم غزير قنوفه

نبكي ذرا سنحان غيث الملاهيف
نبكيه ودموع الرجال امعروفه

عبدالهادي ابوديه

سنحان يبكونه من السيف للسيف
ينعون رمز العرف واشهر سيوفه

الدار عقبه قفر والمجمع مخيف
وش يحبس الدمعه لاجينا مضوفه

سعيد ابوديه
كبدي بعد فرقاه نار على ليف
وضلوع صدري من حزنه امعزوفه

لو البكا من طبع روس المشاريف
شفت الحيود من الجبال محذوفه

عبدالهادي ابوديه

اكرم عربنا فعل ماهي سواليف
من عاد بقعا بالعدم ماتروفه

غاب ابلج مجده لسنحان تشريف
وغاب السرور من القلوب الشغوفه

سعيد ابوديه

من خلق منصى ضيف ومنجي اضعيف
ومن حكمته عوص الظروف امعسوفه

جعل مرضه بتالي العمر تخفيف
ويوم الحشر في ظل ربي وقوفه

عبدالهادي ابوديه

مرحوم ياللي جود يمناه تعريف
الجود جمع ويتقدم اصفوفه

حتى القدر ماوصله الا اخر الصيف
ودع حياته مع موادع ضيوفه

سعيد ابوديه

لكن عوضنا فالسيوف المراهيف
كم كايد لارز خشمه تلوفه

مامات ابن حاجب فريد التواصيف
واخوه وعياله خذو من وصوفه

معلومات الاغنية
كلمات بدع عبدالهادي ابوديه
كلمات رد سعيد ابوديه
تصميم ناصر البقمي Nasser I
توزيع ديجيتال الفان ميوزك