كلمات أغنية ناسم ذنان

ناسم ذنـان من دار امحبوبي
خافقي بين المحاني مرقبلـه

تنتفض لعروق له من دون ثوبي
و الضلوع من الولـه يتقلطن له

و بنـة الميدول بـه تقشع طنوبـي
يوم عدل شيلـته و النـود شله

ينحي بشوفي على العرق الينوبي
نور طيفه فالغلس متراويله

رب يشعق بارقه في غمتة لـه

قومني لمواصله حفيت كعوبي
و الصبر فت العروق المستخله

دانة الطواش و الرس امحسوبي
خوه باسمه يعتزي و ايشوش خله

من بنات الريح خذ عنق اللعوبي
و السبيب اللي على ردفه يفلـه

ريم سيح يفلـه مس الهبـوبي
يفلس القنيص لو بات ايختلـه

ما تسمع للوشاه اللي وشوبـي
و العذول اللي سعـابي فدوة لـه

خافق عن حب غيــره مرفق له

تنفضه الأنسااام يوم تمس ثوبي
كيف لو يا انا يسوق الشوق كله

معلومات الاغنية
كلمات سيف المنصوري
توزيع ومكس ايمن مخاوي
تصميم ناصر البقمي Nasser I
توزيع ديجيتال الفان ميوزك