كلمات أغنية يا ناصر
يا ناصر الهمه تراها قويه
عند المصايب نرقا روس الصعايب
حسب الاوامر لك سريه سريه
ان كان ودك بس تشوف العجايب
لا جاك خاين ناوي فيك نيه
تفزع لك رجال تشب اللهايب
نوقف لك دروع وسيوف عصيه
وما يرد الا ذليل وخايب
يا الشيخ ناصر والنفوس الرديه
شرواك دارسها ويجيد الصوايب
والضربه اللي ما تجيب المنيه
نقوى بها ونشب نار الحرايب
معروف يا ساس الفخر والحميه
شيخ المواقف بالرخا والطلايب
تشهد على طيبك جميع البريه
والطيب من ساسك وما من غرايب
يابن المليك اللي تبارق بضيه
نوره كما برق يشق السحايب
حبه تمكن بالقلوب الوفيه
بقلوب شعب ما تهزه مصايب
درع الوطن راعي الكفوف النديه
لا من فعل نلقاه بالفعل صايب
عشنا تحت ظله حياة هنيه
والله يحفظه من شرور النوايب