كلمات أغنية انا الكذاب
- كلمات
- ابراهيم الزيلعي
- ألحان
- عزوف
انا الكذاب في حبي وانا مستقبل الخذلان
وانا اللي فرحتي لغيرك وفيك اتذكر احزاني
انا أكبر ألم مرك وانا اسقيتك الحرمان
وانا كل الكلام اللي عجز ينطق به لساني
انا بالمختصر جيتك ابحكي لك بعد كتمان
وانا الكذاب في حكيي وماني للأسف جاني
انا بحكي بـ اسم الجرح لو بتشوفني غلطان
ابي تصحى على نفسك لأن الظلم صحاني
انا مـ اخطيت في حقك ولكن اعترف ندمان
انا نادم على حبي وكيف ارخصت لك شاني
وجا دوري اقول اللي بقلبي لك وانا شمتان
مدامك ناوي الفرقى ولا قدرت بالعاني
انا مدري إذا بعدي تدور لك على نسيان
وانا حتى فـ احلامك إذا بتنام تلقاني
وانا مني وعد ببقى بقلبك لو بعد ازمان
انا سوء الختام اللي ولا عمرك بتنساني