كلمات أغنية ابراي لله

ابراي لله كل ماجيت طاريك
جف الكلام وسولف الشوق طاري
والبارحة يومي من البال ساريك
اثر الدروب اتوجهت لك مساري

تموج في صدر الغلا وعين مغليك
ماهو على كيف الهوى وإختياري
لا ماحكى قلبي ولا واشي فيك
لكن تبين في الصدر لك مواري

حطيت روحي لعبة بين أياديك
وحالي من الترحال والبعد عاري
مجنون بك وافخر واهذري واناديك
واضرب على نجمك فجوج الصحاري

صويبك اللي يطلب الرب يحميك
من ظلم زينك في البشر وانت داري
لا تنشد اللي يعشقك ليه وش فيك
إسأل عيونك كيف كان إنتظاري