كلمات أغنية يازين سامحني الى قلت
يازين سامحني الي قلت مرخوص
واذا بدالك حاجه مستعدين
بحر الشراكه يا حلو فيه ما غوص
وثوب النفر ما يمتكن يكسي اثنين
نوم الحزم من غير دوشق وبرنوص
اخير من نومه سرير الشريكين
كل شي توضح لي ولا يمكن تلوص
معقول اكذب بعد ما شفت بالعين
اختار اسكن في عريش من الخوص
احب من قصر اصحابه كثيرين
تقدر تقول انه حصل مني نقوص
ادخل بحجه وخلنا مستريحين
قلي وابو سيفين في البوك مرصوص
اقوم بامرك لو تحملت بالدين
الرجل ما يامن وفي بيته لصوص
وانا معاد امنك خلاص يا زين