كلمات أغنية يا بسطجي
يابسطجي باحملك مكتوب
وده لخلي داعج اعيانه
سلم عليه وكلمه باسلوب
واحذر يشوفك بعض عدوانه
قله تراني عقبهم متعوب
وخله يعلمني بعنوانه
جسمى عليل مايشيل الثوب
عزى لحالى عقب خلانه
لامن بغيت انسى الهوى واتوب
يطرى عليه الزين بافنانه
قلبي عقب فرقى الغضى مصيوب
والعين طول الليل سهرانه
ان ماحصل لى غايه المطلوب
اللي قضى عمرى على شانه
ابو ثمان مابها عذروب
ومجدل ظافى على امتانه
عقبه حاربت الزاد والمشروب
خلوه يواصلنى من احسانه
ياهل الهوى شيروا على المحبوب
اللى سبا روحى بهجرانه