كلمات أغنية مهرجان موجه الهلاك
- كلمات
- الديب
- ألحان
- عمرو عاشور
عمري ماهتهز من الدنيا
مهما الزمن جه عليا
احب اطمنكم ياللي
بتحبو تشمتو فيا
طول ما انا لسه بصحتي
وشايلاني رجليا
مش هتشوفو ابدا وقعتي
ولا حتي دمع عنيا
موجة الهلاك شايلاني
مودياني بحر القسوه
مع ناس بجد ولا تسوي
برج الرجاله صبح ناقص
بقا محتاج ستره وكسوي
اصل الناقصين اتكاترو
وانتشرو دي صبحت كارثه
ازاي يجيلكم قلب تقلو
مع اللي من دمكو
حتي الندم مش حاسين بيه
جاحدين اوي في قلبكو
ده انتو القتيل اللي قتلتوه
في جنازتو جيتو كلكو
اما انتو ناس قادرين بجحين
والله انا اشهدلكو
وعلي اللي يبيع وعلي الخاين
اللي في وقت الضيق
مني اختفي مبقاش باين
دمو هيبقا حلال
وعليا هيصبح اه هاين
زي مارسملي طريق
مرسوم حوارات كلو كماين
كان نفسي اشوف منكم حاجه
لأجلي تعملوها
لكن مقصرتوش بصراحه
نفسيتي دمرتوها
متشكرين علي كل جرح
روحي مني سحبتوها
ده بدل ماتيجو تقفو جنبي
احزاني زودتوها
متخيلتش انكو برخيص
بعتوني مش عايزني
طب ليه من الاول فهمتوني
انكو حبني
ده انتو جوه قلوبكو في سواد
عارف بتغيرو مني
علشان احسن منكو
والناس بالخير ياما قالو عني
كل اللي فات هعتبرو مجاش
وعليا ده معداش
لكن اللي مش ممكن يتنسي
محفور في قلبي وعاش
كدبكو ليا وكرهكو
صعب مايتنساش
مش هنسي ابدا ان في ضيقتي
صاحبي وزميلي مجاش
ده انا مهما بكون موجوع
صوتي مش مسموع
مش سامعني
لو شافوني بضيع وبموت
بيقولو عادي ايه يعني
ولا حد يكلف نفسو
ويسأل ايه اللي وجعني
انا نفسي افهم منكو
واعرف انتو ازاي شايفني
انا لازم اصفي حسابي معاكو
واطفي بقا ناري
لا مش هكتم زعلي جوايا
وعمري تاني ماهداري
منكرش ان انا ندمان
فعلا علي سوء اختياري
ده لنفسي انا لازم اعتذر
عشان لناس زيكو شاري