كلمات أغنية الكلمة الحلوة
- كلمات
- ايمن بهجت قمر
- ألحان
- مدين
يا لالالي ويا لالالي
ويا لالالي ويا لالا
يا لالالي ويا لالالي
ويا لالالي ويا لالا
الكلمة الحلوة عشانك
أحلى كلام من قلبي أنا ليك
انت الموضوع يا حبيبي اتفضل
أهلا بيك
عالدقة الصوت ده له رقة
اتكلم بقى وريني
قولها دي أحلى قصاد عيني
ده في كلمة تغير دنيا
بتغير دنيا بحالها
شوف كام واحد أجلها
وغلاوتك ندموا عليها
آسف مين قالك إنها ضعف
دي بتكبر أوقات
لو قلتها مش هنشيل من بعض
وهنقصر مسافات
ده واحشني لوحدها لو تتقال
صدقني بتسوى كتير
ليها من الغاليين مفعول السحر
وليها أجمل تأثير
ده في كلمة تغير دنيا
شوف كام واحد أجلها
وغلاوتك ندموا عليها
أنا ماشي كإني مغمي عينيا
خلاص مش شايف غير
النغزة الطعمة الضحكة الناعمة
الباقي السر في بير
وبحبك أيوة بحبك
كلمة نقولها ليه نخبيها
ده الأجمل نستعجلها
يلا نفرح قلبنا بيه
عالدقة الصوت ده له رقة
اتكلم بقى وريني
قولها واوعى تقول لأ
قولها دي أحلى قصاد عيني
ده في كلمة تغير دنيا
بتغير دنيا بحالها
شوف كام واحد أجلها
وغلاوتك ندموا عليها
الكلمة الحلوة عشانك
أحلى كلام من قلبي أنا ليك
٢٥ سنة ولسة الكلمة الحلوة
بتغير دنيا بحالها
شكرا على كل كلمة حلوة بينا