كلمات أغنية اغيب وما يفكدوني

أغيب وما يفگدوني
أزعل ما يراضوني
واذا عنهم يسألوني
اگول احباب

واذا بالصدفة شافوني
احس گوه يحاچوني
ومنهم تستحي عيوني
واشيل عتاب

وگلت لابد يذكروني
برسالة مايخلوني
وطلع جذاب

كل دگة چتف واندار مو همة
وكل فزة رسالة وتالي مو همة
وضليت انتظر كلمة
وابد ماحاسبيلي احساب

وانة متانيهم بصحرة
فياي وماردت مطرة
وبگلبي بقت حسرة
منهم چف يدك عالباب

انة المخنوگ بعتابي
والساكت على اعصابي
شريد احجي وانة اصوابي
من اعز الناس

اصدگ ناس چذابه
الدنيا تحولت غابه
الوگع ينداس

صرت خايف من اصحابي
بگد ما غدرو احبابي
اوگف الغربه يم بابي
علي حراس

شوكت ياگلبي من الناس تتعلم
خلص عمرك تضحي وتالي تتندم
من هاليوم اريد اهتم
وخلي الكل بشر مقياس

لاحب لا اثق بنسان
واعلم روحي عالنسيان
من صدري صعد دخان
تحول شيب فوك الراس