كلمات أغنية الوان الناس
كانت الوان الناس والعربيات والدكاكين
بتغطي اللوحه المجروحه
المرسومه في قلبك
كنت بشوفك تمشي في قلب الشارع وحدك
بين الزحام والالوان
كنت بحس انك ناسيه الحب المسكين
من زحمه الوان الناس والعربيات والدكاكين
تنفض الناس والعربيات
وتنام الدكاكين
تسقط من صدر اللوحه الوان
كانت بتغطي الحته المجروحه
والاقيكي تحت فانوس دبلان الضي
قاعده لوحدك تبكي
على الماضي والحاضر والجاي
وبحبك ايوه بحبك
واحلفلك اني بحبك
رغم ان انا عارف انك
من الم الجرح في قلبك
بقى كل العالم عندك
عالم كداب ووعوده سراب
لكني الف بحبك واحلفلك اني حاحبك
وحيجي اليوم واثبتلك
اني راسملك لوحه في قلبي بلون وحنين
غير الوان الناس والعربيات والدكاكين