كلمات أغنية بستان
يا جماعه والنبي
احنا عدنا بستان جنه من هالجنان
بيها ما تشتهي الانفس والفواكه الوان
والارض مفروشه سندس كلها ورد وريحان
وبيها الانهار تجري مثل دجله والفرات
لون ميهن لون خمري مو خمر ماء الحياه
لكن اللي يدري يدري واكثر العالم متدري
سرنا محد يدري بيه
وقف هالبستان ذري صايره للاجنبي
يا بلاد العرب جددي عهد النبي
جاهدي لا تتعبي اقدمي لا ترهبي
مهدنا ياقوم امسى موطئا للاجنبي
من اقاصي حضرموت لاقاصي المغرب
يا جماعه والنبي
هذي والله بستان ما ملكها انسان
وحنا يا وسفه اهلها تاركيها من زمان
دشر كلمن جا دخلها صايره خان جغان
بابها مفلش مهدم والحراميه تحوف
وطوفها معرعر مثلم واكعيلك بيها حوف
والنواطير النشامه ذوله حلوين الجهامه
صلوات على النبي
نايمين شلون نومه مستريحه بمذهبي
يا جماعه والنبي
هذي والله بستان تمناها رضوان
كلنا مولدين بيها من نزار وقحطان
دار سكنى وساكنيها ولد عم واخوان
جنا عصبه شكد قويه جنا نرعد للرعود
ومن لفوا هالحراميه وفرقونا بها لحدود
اصبح الراعي رعيه وصرنا كلنا نادي جزيه
يا عرب للاجنبي
وانطفت ذيج الحميه والزلم لبسوا عبي
يا جماعه والنبي
هذي والله بستان هوايه الها عدوان
طامعين الناس بيها من زمان الرومان
غدت يا وسفه عليها اليوم وكر الغربان
وحنا اسم الله علينا كاتلتنا الزعامات
ملتهين بقال وقلنا وبجدل ومهاترات
يا عرب محنتنا محنه بعضنا يضادد بعضنا
والثمر للاجنبي
ييزي مو والله انظلمنا و الظلم من يرضه بيه
يا جماعه والنبي
من حقوق الانسان بالعرف والاديان
يعيش حر الفكر حر الراي حر اللسان
يعيش امن مطمئن البال كائن من كان
لكن الظالم تجبر سلب حقوق العباد
وانطوه كلبه على الشر عاث بالدنيا فساد
والظلم لو دام دمر يحرك اليابس والاخضر
واللي ما يصدك غبي
يا عرب الله اكبر امه العرب ثبي