كلمات أغنية تنسى حبيبك

تنسى حبيبك ليه
وتنكر شعوري
هان الوصل ولا غيابك هني لك

ياكثر ماداريت
عنك أموري
وياكثر مايسعد خفوقي قليلك

ليت العشق احيان يبني قصوري
ما غير يهدم كل ماهو بقي لك

غابت مشاعر
وانطفى منك نوري
لا نافع ممكنك
ولا مستحيلك

تتوقع انك في حياتي ضروري
أو تحسب إني في غيابك بجيلك

انا عزيز النفس ويفرق حضوري
وانا شموخي فوق وقلبك دليلك

ياما وياما كان يحبك غروري
قد مرك ان غرور يداري رحيلك

كمل وغيب ومن دواعي سروري
ان الندم يزهاك صبحك وليلك