كلمات أغنية قلبي مات

عن فراقك والمسافة والسخافة اللي في كلامك

عن جمالك في المظاهر والتظاهر باهتمامك

حبيتني لاجل خوفك وفي ظروفك كنت باب

كنت اكتر من حبيبك مش بسيبك في اكتئاب

كنت شايفك كل حاجة وبسذاجة الحب راح

كنتي غلطة وبعد جرحك مش بفكر في السماح

عن اهانة وقلب فاضي وجرح مانتهاش

عن قسية وعن اذية وقلب جارح في الاساس

كنت جاهل في الحقيقة قولت بعدك مستحيل

كنت ماسك رغم عيبك بس قلبك شاف بديل

كنت جمبك من البداية وفي النهاية البعد زاد

كنت فترة في مسرحية ومش قضية نكون بعاد

قلبي اصبح قلب بارد مش بيحلم باهتمام

مش بيزعل عللي فارق واللي حب يقول سلام

مش بيفرح بالمشاعر مش بيندم ع الفراق

مش بيسهر في الليالي مش بيغرق في اشتياق

مش هدور عللي رايح مش هقلب في اللي فات

هي هي الدنيا عادي وقلب عايش بس مات

مش بحن ومش بحب وكل شي اصبح تمام

تهت حبة وقلبي حرم لو يصدق في الكلام

عن مشاعر فجأة ماتت والمفجأة القلب حي

اللي قلبه في لحظة فارق بكرا دوره بجد جاي