كلمات أغنية الغلا وين

يا سارقن قلبي وروحي
يا سيد العشاق يا زين

فيك انظم ابياتي وبوحي
واحرك اشواق المحبين

ماغيرك يداوي جروحي
ولا غيرك اللي يكحل العين

قلبي علن صوبك نزوحي
واصبحت لي دار وعنواين

وسدي لغيرك ما يبوحي
والقلب للي تطلب يلين

وشوقي لغيرك ما يروحي
ولا ينقسم حبي لقسمين

اواه يامبعد شبوحي
لكن ذبحني البعد والبين

بعدك يبي يهدم صروحي
يا حبيبي وين الغلا وين

بارق غيابك لي يلوحي
توعد على بكره وبعدين

واصبحت في وصلي شحوحي
ومن صدك اتضيق الشرايين

لا تحسب العاذل نصوحي
من بيننا للحب واشين

لاقوالهم لن كان توحي
نصبح على الحب امتعادين
نصبح بهم مثل الغريبين

ومنك الوفا يكمل فروحي
ونبقى سوا بالعهد وافين

وصدق المشاعر لك يفوحي
ولك مالت اكفوف الموازين

وملكت باوصافك طموحي
وحطيت لي سلم و قوانين