كلمات أغنية اتحداكي
اتحداكي لو تنسيني او لي حبي تلقى بديل
انا الدرب الخطاي تمشيهو تعجز عن مشيهو الخيل
حبك ليا لو تخفيهو يظهر فى وشيكي عديل
تبدا ملامحو فى عينيك يقراها الكفيف بالليل
ما اتولد البسير فوق دربي والبخبر دروبي قليل
والدرب التطول ايامو بوصل ميسو في فد ليل
مابتنسينى مهما كان لا ظنك تلاقى سبيل
والضاق الزلال فد مره مابيرويهو حتى النيل
مابحزن عليك والله لو سالت دموعك سيل
جافه عيوني مما قمت مابتعرف عناق منديل
لو راجانى ارجع ليكى مدى حبل رجاكي طويل
اموت والله مليون مره افضل من اجيك ذليل
برفض اطرا زول ناسينى مهما كان فراقو تقيل
لمن اريد بريد بالجد انا لمن انسي بنسى عديل
مابحزن على موت ريدنا بى ايدكي كان اغتيل
والموت فى بعض مرات بيكون افضل من العليل
لو كان الجمال غاريك بى احساسى ببقى جميل
لو معتاده يجرو وراكي مابتلقينى من نوع ديل
حترجعى يوم براك تكتشفى انو هوايا مالو مثيل
حترجعى لي حمايا تكوسى في جنه غرامي ضليل
والبهديني لحن مثالي ابادلو جميع غناهو هديل
والحاول يمازح قلبى بلعب بى قليبو شليل
متاسف على احساس اتخيلت انو جميل
متاسف على اوهام سمينها عشق جميل
متاسف على احلام بيني وبينه مليون ميل
متاسف لانى اهديت مشاعر ضوقتنى الويل
متاسف على شتلات زرعتها في الصحارى قبيل
اتخيلت انها تبقى واحه ريد ثمار ونخيل
ارتاح في ربوعه انجما واخد من ثماره اكيل
لكن ياخساره زراعتي كانت جوه مجرى السيل