كلمات أغنية يا كاغد القرطاس
- كلمات
- خليل الشبرمي
- ألحان
- فلكلور مطور
ياكاغد القرطاس خل الزاج
ينثر شعوري وآخر انتاجي
دام المتيم موج بوحه هاج
وعسعس عليه الليل وانساجي
خله يفضفض لو لحقه احراج
وسره تعدى ظلم وسواجي
حندس ظلام ارهق فتيل سراج
يرجي شعاع الصبح ينباجي
ودمع الحزين ان هل هل ازواج
من معصرات الهم ثجاجي
بيح سدودي مترف مغناج
حلو النبا حبوب طلق حجاج
عذب اللمى والخد لعاجي
وشمس النهار بوجهه الوهاج
وليل الدجى مجدوله الداجي
وخنجر ذياب وقسوة الحجاج
وحكمة اياس بطرفه الساجي
وجنه ونار وجلنار وعاج
وملح فرات وعذب اجاجي
والقيروان وقابس وقرطاج
ومهد الذهب وعيون الافلاجي
والجمر والجمار والديباج
بين الجبين وجيده العاجي
قلعة جمال محصنه بابراج
فيها يهاب ويامن اللاجي
وعرش الجمال اليوسفي والتاج
له نوق شوقي زرفلن افواج
كلي ظما والزين هداجي
والعمر ساعة والدروب فجاج
والله يحقق ما رجا الراجي
لولا الرجا ماحجوا الحجاج
ولافكر المسجون بافراجي
والحرب كر وفر واستدراج
والحب حرب مابها ناجي
وش خج قلب فهيد بن مجماج
وخلا خليل يهيم ويناجي
الزين يذبح يالله المخراج
وصد الحبايب موت مفاجي
والوضع مايحتاج لاستنتاج
شوفه شفاي ووصله علاجي
اقول والا اقول مايحتاج
احسن لي اسكت وارجع ادراجي