كلمات أغنية يوم اقبلت

لا الـه إلا الله لا الـه إلا الله
لا الـه إلا الله و النبي صلوا عليه

يوم اقبلت فاح الفرح طيب و بخور
من اسمها لامن طرت طيبها زار

و إلا ظهرت تمطر رياحين وعطور
وباح الجمال بنور و علوم و اسرار

امشي على غيم يباريك مبهور
له من سنا روحك رذاذ وأمطار
و اسري مثل نجم تبختر به النور
به تستدل الشمس وتطيش الأنوار

يا بذرة العوجا لك الكل مسرور
من كل جد فيك شيخه ومقدار

عبير يا روح نماري بها الحور
عبير يا ورث المشاكيل الأحرار

عبير يا نسمة بها الطيب مذخور
عبير يا نخوة طويلين الأعمار

الزين فيها بين منهي ومامور
والعز منها جذوة من سنا نار

نوره هناك اليوم ما يكفي شعور
يا عل فرحك والهنا فيض و انهار
واخوانها اللي لا بغت تطلب الشور
تفازعوا دونك صليبين الأشوار

سلطان يا حظه خذا بسمة الدور
هو سيفك المسلول بالطيب بتار

من ماكر طيبه مجرب ومخبور
من شذرة العارض كريم ومغوار

ما تكفي الفرحه كتابات و سطور
ولا توفي الدمعة من الغيث مدرار

يالله عسى بيت بنيتوه معمور
ويرزقكم الله بالهنا خير الأقدار

غطرفي يا دار فالك للسعد
و ابشري بالعز لا فاح العبير

واستعد الليل بثياب جدد
ليلة ما مثلها خير في خير

ليلنا هل الفرح به و انعقد
عرس سلطان وغلا الدنيا عبير

اقبلي غيم على الروح و برد
اقبلي شمس على الدنيا تنير

للسحاب فطرحتك برق و رعد
يوم شفنا فرحة العمر الكبير

غير هذا الفرح وش نبغى بعد
نشكر الله و نحمده خيره كثير

في عيونك فرح نوره انولد
و الفرح أمسى بعين أمك قرير

يا عسى التوفيق فالك للابد
والسعد دايم على بابك بشير