كلمات أغنية مالك شبيه
يا وجهك اللي مصدر الفي والضي
يجمع ما بين اضداد في انسجامه
يجمع دجى وانوار والنار والمي
بين الشعر والخد والابتسامة
يا اللي ابتسامج يروي احساسنا ري
من تضحكين اتشكلين الغمامة
مالج شبيه بالثرا والسما حي
انتي جمالج فارق في قوامه
لو الحسن يتعب على نفسه شوي
يمكن تفاصيلج تحقق مرامه
ومن قال انتي فارقة ما فرق شي
لانه حط تاج الجمال في مقامه
يا من لويتي رقاب من ناظرج لي
والله يلوم اللي بهالزين لامه
صم الصخر فطلتج ينقلب حي
ياكيف قلب انسان ينبض غرامه
يا حي هذا الغنج والحسن والضي
سبحان من جلا بوجهج ظلامه
ويا عل الفرح يطوي من سنينج طي
ويهل مزنه مع تباشير عامه
وياحي عيدج بين الايام يا حي
تتباهى سنينه و بج تتفاخر ايامه
كل عام وانتي اية الحسن والغي
وتبقين لقلب السحاب غلا انسامه
و كل عام و الله يديم محبتج لي
يا شما وانتي بالف خير وسلامة