كلمات أغنية قايد الريم

تسال القمره مرايتها من اللي فيه زود
من يفوق النور فيها والا يضوي قدها
ردت مرايتها قالت قايد الريم العنود
بنت فيصل اللي مشعل هالليالي جدها

اشهد ان اللي عطاها ما عطاها في حدود
الجمال بكل ما به خاتم في يدها
ماخذه لين السحابه جامعه زين الورود
عادله لكن حلاها ظالم اللي بعدها

طيبه وذوق وتواضع وارثتها من جدود
تبهر الكل فبهاها حتى لو ما ودرها
بين مشعل هالليالي وبين سلطان الوجود
يعني من كل الزوايا طيب الارض يحدها

جالها عبدالعزيز ويا هلا بابن الفهود
الامير اللي صفاته ما قويت اعدها
صادق وافي كريم طيب صان العهود
صادق احساس ويمينه للعنود يمدها

من يقول ان الليالي في سمانا دوم سود
من يقول ان الظلام بكل يوم يحدها
الاكيد انه ابد ما يوم قد شاف العنود
اسالوا عنها الرياض وتعرفوا وش ردها