كلمات أغنية اللي يحبك
- كلمات
- ذياب بن غانم المزروعي
- ألحان
- فايز السعيد
اللي يحبك من فؤاده ويغليك
يبقا يحبك لين يوم القيامة
مهما حصل ما تختلف نظرته فيك
والوقت ما بدل حقيقة غرامه
اذا زعل منك بروحه يراضيك
ولو الخطا منك بداك بسلامه
وان ضاق صدرك بالحكايا يسليك
ويدور اللي يسعدك من كلامه
ان غبت دايم في غيابك يداريك
وان جيت تلقى منه حب وكرامة
لايستمع نمات ناس حكوا فيك
ويعقب العاذل وراعي الملامة
دنياه تسوى من رضاك ابتسامة
لا تخسره دامه يحبك ويفديك
ترى العمر من دونه طوفه وندامة
الراي رايك والأمر بين أياديك
مبداه من عندك وعنده ختامة
ان جيت يالمحبوب ربي يحيك
وان رحت يالمحبوب درب السلامة