كلمات أغنية البندقية
بلدي بلدي يا بلدي
بكل حبي للحياة بلدي وبكل بسمة فوق شفايف ولدي
وبكل شوقي للفجر وشروقي
وبكل نبض الثورة فى عروقي
جتلك وأنا ضامم جراح الأمس
حالف لرجعلك عيون الشمس
يا يا يا بلدي
جيش الظلام فى يوم ما هاجم فجرنا
جرح السلام زرع الألأم فى ارضنا
وقلبنا داست على الجراح وحلفنا ما نسيب السلاح
إلا إن رجعنا بشمسنا و ضحك لينا تانى الصباح
جتلك وأنا ضامم جراح الأمس
حالف لرجعلك عيون الشمس
يا يا يا بلدي
سكت الكلام والبندقية اتكلمت
والنار وطلقات البارود
شدت على ايدين الجنود و اتبسمت
إحنا جنودك يا بلدنا وحبنا
ماشين على طول الطريق اللى رسمناه كلنا
جتلك وأنا ضامم جراح الأمس
حالف لرجعلك عيون الشمس
يا يا يا بلدي
يا شعب يا واقف على باب النهار
قربت بصمودك طريق الانتصار
وزرعت من تانى الأمل فى كل دار
وأتجمعت كل الأيادي من كل بيت طلعت تنادي
على الطريق وتقول بلادي
بلادي بلادي أنا نار تحرق أعاديكي
بلادي بلادي أنا دمى نيل يرويكي
بلادي بلادي من غيري اللى هيفديكي
بلادي بلادي ها أستشهد فدى أراضيكي
بلادي بلادي ولا عمري أفرط فيكي
بلادي بلادي وأموت وأنا بهتف بيكي