كلمات أغنية كلك شموخ

كلك شموخ وهامةن ما تشابه
يا بن نهار اللي هل المجد شافوك
تطول نجم اسهيل عز ومهابه
مبروك يا سلطان وألفين مبروك

نجد العذية عانقتها سحابه
ومن السما بابن على نجد مفكوك
وطويق خايل برقها والتقابه
سلطان اقبل والمطاليق هنوك

سلطان ما توفي حروف الكتابه
فخرن خذيته وانت ماخذ من ابوك
حفيد ابو خيرين والفخر سموك

يا شيخنا اللي في نهار المجابه
هذاك ابو متعب خذا المجد بصكوك
ولا قيل احمد عز منهو انتخابه
ترثة معزي وسيفه وهيبة ملوك

يا امير فيصل يا رجا من لجا به
بشت الفخر من خيط الأمجاد محيوك
انتم هل العوجا شموخ و مهابه
وانتم هل الطولات وحكاية ملوك