كلمات أغنية افا والله افا
لا تعاتبني على مزحي معاك
وتعتبر مزحي وسيله للجفاء
لو خطاي ومزحتي كانت خطاك
كان قلبي ياحبيبي قد عفى
ان قلبي مطلبه يكسب رضاك
وعاهدك ياصاحبي عهد الوفاء
عاهدك ما يعشق انسان سواك
وعن جميع الناس شاين واكتفى
اكتفى بك انت بالذات وعطاك
اصدق الاحساس والاعظم خفى
كيف تجفي صاحبن ما قد جفاك
في غيابك طرف عينه ما غفى
ينتظر وصلك يبي لعلى وعساك
تسمح الزله وخفاقي بصفى
لاتديني بردك وان احتاج دفاك
حاجه القطب الشمالي للدفى
انت غالي ومحدن ياصل غلاك
لو تجافيني وتعطيني قفى
والليالي مالها معنى بلاك
والمفارق جرح واللقياء شفى
ماهقيتن ترمي الماضي وراك
بس ذا المره افا والله افا
لا تعاتبني على مزحي معاك
وتعتبر مزحي وسيله للجفاء