كلمات أغنية انسان

انسان عايش في حياته شقاوي

وانسان يهنى بالحياة السعيده

وانسان عنده هالزمان امتساوي

قانع ولا له في الاماني البعيده

كم هاجس جاني مع الليل ضاوي

وكم حلم بالاشواق طوقت جيده

وكم ردد السمار شعري غناوي

وياما الهمت هاك النواعس قصيده

ابني مع ايامي خيال ورجاوي

وانا ادري ان الحظ راسه عنيده

كنه على تعذيبي الوقت ناوي

اصيح من هم الزمان ويزيده

ياكثر مامرت عليه حكاوي

ولين انتهت جتني بقصه جديده

انسان هاوي الحب ياناس هاوي

ولاجاه حظه بالذي هو يريده