كلمات أغنية كل ما طال المدى

كل ما طال المدى زاد همي والعذاب

ما سلا قلبي عن اللي يوده .. ما سلا

عن عيوني صورته ما تزول ولا تغاب

يا هلا به كل ما مر طيفه .. يا هلا

يا هواي ومنوتي من هوى تلع الرقاب

الله اللي كملك بالدلال .. وبالحلا

قمت احسب غيبتك لين ضيعت الحساب

امتلا قلبي من الحب يا زين .. امتلا

كلما سديت باب انفتح سبعين باب

مالكٍ قلبي بزود المحبه .. والغلا

بالبيان وبالخفى مذهبٍ قلبي ذهاب

قالوا العذال ليتك تعالج .. قلت لا

علتي ودواي في شوف حوري الشباب

إن رحمني طبت وإن ما رحم هذا البلا

كان جا مني خطا فانت عاتبني عتاب

ارحم اللي بان فيه الخلل بين الملا

دعوة المظلوم يا نور عيني تستجاب

خف من الله وارحم اللي في حبك مبتلى

يا حبيبي ليت ما بيننا ستر وحجاب

واهتني بشوفة اللي مثل ريم الفلا