كلمات أغنية ابكي على ما جرا لي

ابكي على ما جرا لي ياهلي

قلبي انا بالمحبه مبتلي

ولا حصل من يحل المشكلي

مع ناعم العود انا لي مسأله

ياناس روحي تراها في خطر

كله من اللي على بالي خطر

والحب كله على العاشق خطر

كم واحد ماحصل من ممشى له

قولوا لمن صابني يعطف علي

وان كنت مخطي فلا يزعل علي

وان كان جاني حبيبي ماعلي

خلوا حبيبي يجيني واسأله

خلوه ينظر بحالي مايرى

فلا تقولون ظنك وش ترى

لا شاف حالي وشاف اللي جرى

يفعل علي ما بوده يفعله

الصبر عندي على شانه قضى

ولا تأسف على ماقد مضى

يابخت من صار يوريه الرضى

والزين والفن كله من هله

انا معه كل وقتي في ولع

وهو معي كل وقته في دلع

يا ناس هذا قتلني بالدلع

خفيف دمه الله يقبله

اذكر ليالي المحبه والصفا

واذكر ليالي المحبه والوفا

كفا كفا يا حبيبي ما كفا

مرسول عندك تسمح ترسله

واللي من الناس قلبه ما هوى

قله حياته على موته سوى

من المحبه قلبه ما ارتوى

مسكين اللي المحبه تجهله