كلمات أغنية تتر مسلسل حكيم باشا

أول ما كتب القلم
كتب القلم الله
وأول بداية القول
هبدأ باسم الله
واللي في رحاب ربنا مايخافش من مخلوق
هو المعين والسند متشعلقين في رضاه

رميت أنا بختي قدامي ينورلي
لقيت ضيه جايب عتمة محاوطاني
زرعت الصبر جوايا يطمني
طرح غربة ونار في القلب كاوياني

وعايش عشان غيري مهما اتأذيت منه
ثابت وواقف وتد ولا جاني يوم المدد
همي معايا اتولد شارب كتير منه

أنا جوة دوامة وخداني في متاهة
وكأني متغمي وندهاني نداهة

على ضهري حمل جبال
عشمان في راحة البال
دنيا رضاها محال
تعباني وياها

أنا اللي الهيبة بتهيبني وتكبرلي
أنا الزين اللي متربي في بيت أحرار
وسيرتي الطيبة مالي وعنواني
وحقاني ونابي أزرق مع الغدار

ولو فيها موتي اموت راجل وماتلونش
وشبعان نخوة وشهامة على وضعي
وأصلي غالي والغالي مايتمنش