كلمات أغنية عايد علي
- كلمات
- نايف العاض المري
- ألحان
- صالح ال كليب
عايد علي ياصاحبي وأطلق اقيادي
العيد دونك ترا والله مايفيدي
شوفك نهار العيد هو ثالث أعيادي
وقربك لحاله شعور يضاف في عيدي
عيدك مبارك ياهوى البال ومرادي
عايد علي ياصاحبي ياتلع الجيدي
ياللي لك بقلبي مكانن ماهو عادي
سهم الغلا معتلي ماينقص يزيدي
جمعه ولمة قرايب
ونفوس سمحه رضيه
لاحدن يقاطع قريبه
ولاحدن يخلي حبيبه
عيد الفطر و الضحيه
اعطيتك اغلا شي املك وانا البادي
مدت يمناي لك خذ قلبي ابيدي
حبيتك بحب متمرد ومتمادي
وبنيت ساس المحبه وشبحي بعيدي
ياوفى رفيقن عاش في رحلة جهادي
معك الحياه أعيشها بشكل تجديدي
ماهمني قول حسادك و حسادي
اليا حداني زماني والزمن حادي
انتي المفر في الزمن ثم حرري قيدي
في ووجها نرجس وريحان مع كادي
الزين فطره من الله ماهو تقليدي
كنها الصباح اللي يفج الليل في بلادي
ولا مثل فرحه اتجي بعد تنكيدي
نظراتها مثل سيف ن يجرح فوادي
وضحكاتها تبعد أحزاني وتعقيدي
العيد عيد الحبايب
جمعه ولمة قرايب
ونفوس سمحه رضيه
لاحدن يقاطع قريبه
ولاحدن يخلي حبيبه
عيد الفطر و الضحيه
في جملة الغيد لاجت جاهم حدادي
من زينها الطاغي جابت فيهم العيدي
فيهاالثقل والرزانه بنت الأسيادي
كل المزايا جميله دون تحديدي
ياصبر ايوب ولا صبر المهادي
احفظ لي العقل لاجت في مواعيدي
أهيم في عالم العشاق وانادي
حب الخليله بصدري كنه تخليدي