كلمات أغنية تمتع
- كلمات
- احمد الصانع
- ألحان
- شما حمدان
مافيه غيرك انشغل فيه بالي
لا والذي سوى عيونك وابدع
حياك ادخل وسط قلبي يا غالي
ودامك في قلبي يا حبيبي تمتع
خايف اغمض ما اشوفك قبالي
والعين من احساس هالخوف تدمع
عطني همومك يا سبب انشغالي
وانته في قلبي يا حبيبي تربع
هذي بداية حب والعشق تالي
ياللي خفوقي في غرامك تولع
م اهتم في غيرك ولا صرت ابالي
جننتني والعقل بالحب م ينفع
الحب لك في واقعي وفي خيالي
وقلبي اناني فيك وبالزود يطمع
لا تقول طولنا وتعد الليالي
اللي يحب مهما عطيته م يشبع
ان قلت اسمي قلت يا ويل حالي
في صوت عالي عيد لني م اسمع
حبيت اسمي يوم قلته يا غالي
ودخلت قلبي ومنه ما راح تطلع
القلب بيتك واصلا البيت خالي
سوه على كيفك وذوقك تمتع
اسمي حبيبك وانته اسمك حلالي
اي والذي سوى عيونك وابدع