كلمات أغنية 25 ميدان التحرير

25 ميدان التحرير
من اليوم هانعيش نفتكره كتير
عايزين بقى نفتكره بخير
ونعيش ونفرح بالتغيير
يابرادعى ياللى مولعها
كبر دماغك وسعها
كفايه العراق واللى عملتوه
دى مصر مش هاتوقعها
شبابنا دا عاقل وكبير
ياللى فى ميدان التحرير
العالم متربص بينا
وشعبنا بقى وضعه خطير
عملتوا ثوره جميله بجد
بشكل حضارى معملوش حد
بس فى ناس بتقيد فى النار
وعايزه اللى عملتوه يتهد
مشاكلكم هاتتحل قوام
مفيش تانى مسئول هاينام
ارحموا مصر دا ربنا نفسه
خلق الدنيا فى 6 ايام
وقفتكم فى ميدان التحرير
خلت ناس تشمت وكتير
وناس ليها مصالح خاصه
نطقت بعد ما كانوا صراصير
ثورتكم اهداف قويه
عايزين عداله وحريه
لما دخل بينكم الاحزاب
قلبت بفوضى وهمجيه
اهالينا كلها مخنوقه
فرحتنا صبحت مسروقه
متسمعوش من حد غريب
دى ناس دخيله ومزقوقه
دى خطه قعدوا رسموها
علشان بلدنا يهدوها
شوفوا الجزيره بتعمل ايه
بتساعد اللى بيدوها
قاعدين بيكبروا فى الحكايات
وكل يوم فتنه واشاعات
متدهومش الفرصه كفايه
دا الميدان مليان كاميرات
ثورتكم كانت ضوء اخضر
اشرف من العملاء واطهر
بلاش تمشوا ورا الكداب
اسمعوا لشيخ الازهر