كلمات أغنية مراتي حامل

بعد ما كتبنا الكتاب وعلينا مع بعضينا الجواب
وعشنا احلى واجمل ايام
وادينا عملنا في بيتنا الجنة خلاص بقا كله تمام
حلمنا واخدنا بالاسباب
دعينا واهو ربنا استجاب
وجه اليوم بالخبر اللي انا مستنيه

انا مراتي حامل باركولي
هتجبلي عيل ادعولي
هتجبلي ولي العهد او بنوتة زي الشهد
عقبال كل السامعين قولوا اللهم امين
هنصحى ع الوأوأة نص الليل
وهنشيل ونسكت وقت طويل
ضروري نتبهدل اه ده اكيد
بهدلة بهدلة ايه المشكلة انا واثق هبقا سعيد

مدارس مصاريفها تهد الحيل
وعادي لو مهما الحمل تقيل
هتحمل تعبي عشان على قلبي هيبقا عسل وجميل