كلمات أغنية افتح يا سمسم

افتح يا سمسم ومتبقاش رخم

افتح عايزين مصاري عايزين نتعنطظ و نترسم

افتح عايزين فيراري عايزين نتنغنغ و نستجم

افتح عايزين كمان عضلات من غير ما نخش جيم

افتح خلينا ننجح و يا حبذا لو نتشتم

افتح عايزين كباب افتح نفتح حساب

افتح عايزين سفينة و فيلا في مارينا و قصر في اثينا و نملا الدولاب

الناس عايزين سمسم و بيندهوا على سمسم

بيدورا على سمسم و بيجروا ورا سمسم

و مفيش اصلا سمسم فيه طعمية بسمسم

يا اللي فاكر سمسم بيخللي فلوس في بنوك تتستف

و واقفله على الباب مستني ان الكتاكيت تتحدف

و هيديك شنطة بقفلتها و فيها ارنب متكتف

المركب عمرها ما هتمشي غير لو دراعك ادف

الراحه مابتجيش بالقعدة والانتخة و اللوكلوك

اجمد ياد كدة و انزل و اشقى ان شالله تسوق توكتوك

افرك و استرجل و يا اما هتفضل ع الحركرك

السنارة لو مفهاش طعم ولا في بساريا هتشبك