كلمات أغنية شي غريب

شي غريب بداخلي
مو نفسه حالي الاولي
ما اعرف بگلبي شنو
بهاي المشاعر مبتلي

تايه واحس روحي بحلم
وين اني ماجاي افتهم
نفسيتي تعبت منصدم

مشكلتي ما اعرف شنو
واليفتهم حالي منو
مو كافي حيل اتعذبت

ماضل بعد عندي خلگ
مكسور گلبي ومختنگ
بالدنيا ماضل اي طعم
ضاع الوفه وضاع الصدگ

ماعدا يوم بلا دمع
گلبي تعب من هالوضع
فهمني ترتاح شوكت
ياگلبي دومك منشلع

جرحي مثل صوت بكهف
يرجع عليه شما نزف
وضعي صعب صاير تلف

دم ودمع عيني بچت
وضعيتي كلها ادهورت
لكن امنيتي اتأخرت

ذكره بسجن جرحي انكتب
غير افتهم وين السبب
يمكن لان گلبي نقي
ما فارگ احساسي التعب