كلمات أغنية مجمل حرب

عيون الشعر ماهي من نصيب الشاعر القصاد
نصيب الي ليا غنا يسولف عن تراكيبه

انا ما احتاج لي سجه ولا دله ولا براد
على ايت حال مايرضي غرور الناقد اجيبه

وعلى قول البدو وقت مضى سد الشفا نقاد
حسبنا له حساب وكلا يصفي محاسيبه

توكلنا على الله سارت الخطوه على الميعاد
دوافعها الغلا للي غمرنا جوده وطيبه

خوي الجنب مال المدح عن شرواه تجنيبه

حروف القاف ماتنعاف لاجت في سليل امجاد
تجي حره ومنقاده واماري يوم اغني به

صحيب كل ماطال المدى وازداد عزمه زاد
بني عمه منومسها ونوماس لاصاحيبه

جمع مدات حاتم بالكرم وعزوم ابن شداد
ليا يوم القيامه طيب ابن حمدان اماريبه

هلا يامرحباا في كل حزه يذكر وينعاد
تراحيب الكريم الي محد يجهل تراحيبه

بسم شيخ ليا جوه الضيوف بجود ربه جاد
عوايد لو يجور الوقت ذا طبعه واساليبه

يبشر بالسعد ناصيه ويكمل مواجيبه

وسيع الصدر لكن كانها كبرت وصار عناد
يبى يرتاع منه الي يفتل روس اشانيبه

ونعم العزوه الي صيتهم بين القبايل ساد
يوم الحرب كر وفر تشريقه وتغريبه

يجي للنعم طاري والمفاخر تتعب العداد
على طاري الصحاف اهل الفخر والعز والهيبه

قبيله من قبايل حرب اهل التاريخ واهل شداد
واهل فزعه واهل جزعه واهل ميقاف نحكي به

وعسى ربي يبارك للكريم معرب الاجداد
رفيق كفو في كل الامور الطيب يرهي به

وهذي حزة الافراح تحسب ثالث الاعياد
ابن حمدان حفله غير ضيفانه معازيبه

مجمل حرب ماتمحي فعوله هرجة الحساد
فداه الي ليا جا له لزوم يطول الغيبه

على طول الزمن ترفع له البيضا على الاشهاد
وهذا راس مالي ف الزمن واعظم مكاسيبه