كلمات أغنية لحن الصعايده
- كلمات
- بديع خيري
- ألحان
- سيد درويش
يا ولد عمي يا بوووي
هات البازابورت ويا الله بنا
يا اسماعيل لا الوقت يفوت
غربة ايه دي مصر اولى بنا
بعدها ما بيحلى لنا القوت
عهد الله وعهد الانبيا
هى السمكة تفوت الميا
ده احنا من غير مصر نموت
يا ولد عمي يا بوووي
لفينا لما استكفينا
من جرجا لطنطا لمدراس
والله بركة اللى استعفينا
وخلصنا من وجع الراس
كل بلد افقر م التانية
لولا انت يا مصري فى الدنيا
ما كنا نلاقي ولاد ناس
يا ولد عمي يا بوووي
ست سنين فايتين اولادنا
دقنا الويل فى اكل العيش
و ادي احنا راجعين لبلادنا
لو حكمت نلبس الخيش
بعد ما كان الافرنجي بيرمح باه
والمصري بيزحف بشويش
حبة ف حبة بقينا سجوريا
وصاحبنا لا فيش ولا عليش
يا ولد عمي يا بوووي
الله لو كانوا الاغنيا
يتلموا ويمضوا لنا شيكات
والنبي تو ما عقدوا النية
تتفرج ع الفاوريكات
وتعيش مصر ف عيشة هنية
دولة وتحكم ممتلكات
ما دام فى قلوبهم حنية
ع الفقرا تحل البركات
يا ولد عمي يا بوووي
يا ولد عمي الحقني يا بوووي