كلمات أغنية ودع حبيب

يوم في يوم غريب فيهو الشمس
لمت غروبها وسافرت
بانت نجوم متفرقات زي الدموع
فى خد حبيب ودع حبيبتو السافرت
والليل ضفائر حزنو مداها الألم
زي التقول عارف النهاية القاربت
شفتا الفريق ضامي الفرح
فى دار حبيب ضميتو في قلبي الحنين
ماتت خطاي ضاع الأمل
واحترتا في خوفي الدفين
عاينتا لقيت الحبيب في عرشوا
في تاجو الحزين
بس الفرح في عيونوا ماقادر يبين
والدمعة في عينيك تودع طيف حبيب
خليتو لي قدر السنين
اشتقتا لي طيف الحبيب
ومشيت طريق اسمو المصير
ودعتا زهرات الأماني
ورجعتا لي ألمي الكبير
حسيت شعور الراهب السار السنين
مشتاق يفتش ليهو دير
لمن تعب سارت خطاهو علي الدرب
خاف الأمل كره المسير
ياحبي عيش كلمات خطاب
من الحبيب كان النهاية
حرفوا الدموع صدروا النحيب
والحسرة كانت فيهو غاية
خلاني اغرق في المصير
وانا لسه عايش في البداية
واطفي الشموع وابكي النهاية
وابكييييي وابكيييي النهاية القاربت