كلمات أغنية مهرك الجماح
شدوا لك ركب فوق مهرك الجماح
ضرغام الرجال الفارس الجحجاح
تمساح الدميره الما بيصده سلاح
المال ما بيهمك ان كتر وان راح
بطنا جابتك والله ما بتندم
ويا اسد الكداد الفي خلاك رزم
ويا رعد الخريف الفوق سماك دمدم
بابك ما انقفل ونارك تجيب اللم
وما بتحلف تقول غير استريح حرم
ابواتك جبير بيسدوا للعوجات
ومطمورتك تكيل للخاله والعمات
وفي الجود والكرم ايديك دوام بارزات
ويا اب قلبا حديد في الحوبه ما بتنفات
عينيك يالصقر في الحاره ما بتنوم
صدرك لي الصعاب دايما بعرف العوم
لا بتنلام ولا بتعرف تجيب الللوم
في وسط الفريق للفارغه ما بتحوم
ود ناسا عزاز جمعوا المكارم كوم
تفخر بيك بنات الباديه والخرطوم