كلمات أغنية السنادي ساحت

السنادي ساحت راحت مطرح ما راحت السنة الجاية يمكن تكون غير فاتت

طب معلش عادي حظك وحش السنادي اللي اتلسع م الشوربة بينفخ في الزبادي

قلبي يا كتاكت شوفت بكام الجواكت انا مش عايز اتكلم ما تخليني ساكت

شهور عمال احايل بس تعد الجمايل باي باي و فرصة تانية اخرها البخت مايل

من اول يناير و الواحد دمه فاير مش عارفة ازاي هتعدي مش باينة البشاير

السنادي ساحت راحت مطرح ما راحت السنة الجاية يمكن تكون غير فاتت

حلوة وحشة هتعدي سودة بيضة او وردي ان شاء الله الجاي احلى نتفائل و الدنيا هتحلى

السنادي ساحت راحت مطرح ما راحت السنة الجاية يمكن تكون غير فاتت

طيب قشطة عادي هعمل نفسي راضي و مقضي وقتي كله ليل و نهار في النادي

مفرحتش فيها خالص قال يعني الواحد ناقص انا عارف م الاول هخرج منها لايص ما تخليني ساكت

ذكريات حزينة و كتير بنت اللذينا و هتيجي السنة التانية و احنا اللي فينا فينا

اسف ع الاطالة كله طلع اشتغالة اللي انكسر ولا عمره يتصلح استحالة

السنادي ساحت راحت مطرح ما راحت السنة الجاية يمكن تكون غير فاتت

تسجيل و ميكساج و ماسترينغ – مهندس صوت : كيكو – ستوديو ملامح ساوند