كلمات أغنية عيشة الغلابة
- كلمات
- عماد عبيد
- ألحان
- شريف حمدان
تعرف ايه بس انت قولي عن عيشة الغلابة
اللي شاربين من كيعانهم واللي عايشنها بطيابة
اللي ماقلوش طول حياتهم ليه بقي
و اللي مهدود حيل ابوهم م الشقا
واللي ضاعم من بين ايديهم عمرهم وف لحظة راح
تعرف ايه عنهم جاوبنى يا اللي مطمن مرتاح
و برغم ده كله عايشين
بيعافروا فيها وراضين
صابرين ع الغلب و ساكتين
حتى ولو دنيتهم غابة
جربت تقف كده متكدر في طابور العيش
ولا تكون عسكرى متغرب مطحون ف الجيش
ولا ب عيان بيموت علشان مش لاقي علاج
ايوة الغلابة المكسورين
طالبين يعيشوا مستتورين
مش مال قارون ولا جاه
عايزين يعيشوا حياه
وسط البشر مش وسط عالم م الديابة
متكومتوش عيلة فاوضة و موارب بابك
ما قعدتش يوم علي طبلية ومستنى منابك
حسيت ب ابنك ايام الشتا بردان متوتر
علشان كان سقف البيت مفتوح و السما بتمطر
شوفت الغلابة هم مين
هم اللي فيها مغلوبين
عايشين علي باب الله
و مسلمين لله
راضين بحالهم طيبة منهم مش خيابة