كلمات أغنية سنة اولى جرح

وانا فى سنه اولى جرح قال ايه كنت باشكى
وباقول نسينى الفرح وبتالم وبابكى
ويا ريتنى فضلت ساكت ويا ريت ايامه دامت
ورضيت بنصيبى انا شافنى الزمان زعلان
قال ياه على الانسان لو يحمد ربنا
ولاقيته قال خد عندك احزان تجيب احزان
وكل ما اقول كفايه الاقيه بيقول كمان
وخدنى من سنه اولى على السنه النهائيه
وعمل لى جامعة لوحدى وبدا يدرس ليا
الجرح والحرمان ويعمل لى الامتحان
اسقط يعيد من الاول ومافيش فى قلبه حنان
وانا فى سنه اولى جرح
وكل ما اضعف حبه يعمل فصول تقويه
انجح لو شاف دموعى وعذابى بين ضلوعى
واسقط لو شافنى بافرح ولا باضحك شويه
وانا فى سنه اولى جرح
دروس المر عملى مافيش ولا درس نظرى
اشرب يسقينى تانى ويقول لى دا لسه بدرى
مافيش ولا ساعه راحه وقالهالى بصراحه
ولا يوم هتنام عينيا ولا افرح يوم فى عمرى
وانا فى سنه اولى جرح