كلمات أغنية يا مرايتي قولي اي قصتي

محتاج لقلب يحبني
محتاج لحضن يضمني
محتاج للي يطبطب عليا
اصل اللي مني خمني

مفيش حبيب مفيش احباب
مفيش قريب كلها اغراب
بيقول اخويا لو في مصالح
غير كده قدرهم كلاب

شابو ليكو
بحيكو
مش ناسي انا قسوتكو

سلام سلام
كده تمام
بان من الكلام
وبان الغل في وشوشكو

من بعدك ضهري انا اتحنا
ابويا يعني الجدعنه
خبر وفاته صدمني ياناس
ابوك خلاص خدو ربنا

العيشه بعدو مضلمه
جروح في قلبي معلمه
ده كان قصاد عيني بيموت
والروح لربه مسلمه

عايش حزين
طب مين مع مين
مبقتش فاهم انا حاجه

دول غدارين
دول تعابين
دول مش سالكين
اكون معاكو دي استحاله

ياهم ابعد عن سكتي
مصحبني جمبي في وحدتي
مستكتر الفرح عليا
يارب عني في شدتي

يارب ياللي خلق الكون
ابعد عننا اي عيون
في ناس بصه للي في ايدنا
اكني ليهم انا مديون

انا مصدووم
انا مقسوم
انا مهموم
وكتر الهم بكاني

وبنام وبقوم
هموم في هموم
وكل يوم
بشوف نفسي واحد تاني

يامرايتي قولي ايه قصتي
مليت كاسات من دمعتي
الحزن جه و خلص عليا
خلاص بقا عارف سكتي

تفوت ايام وقول هرتاح
تعدي سنين ومش مرتاح
ومها ضحكت قلبي حزين
وعيشت حياتي انا في جراح

خلاص وادع
ضاع اللي ضاع
هنسا اللي باع
وهنسا الندل والواطي

هبص لحالي
لحالي احلالي
اولى بمالي
اللي ضايعته علي الفاضي