كلمات أغنية ربي يخليك ليا يا اجدع اخ

مش عايزين مطاريش عايزين نتداري وناكل عيش
مش ناقصين خفافيش لو جي في ثورجه نام ماتجيش
كلها رافعه انرجي وكل عويل عامل باتمان
غدر وقله اصل مفيش جدعنه يابا زي زمان
الاطفال شادين حيلهم
والكيف يابا محولهم
رجليهم لما تشيلهم
يحلمو يسكنو زنزانه
سنه حلوه بدايه نضيفه
من غير حجز ولا ستيفه
ماتعشش اللحظه ياليفه
وبلاش اللون ده معانا
اشبال ماشيه بجرار ولا اي حساب معمول لكبير
الهلافيت يضربو نار والاساطير بقو بيروحو مشاوير
كلها لابسه الوش عشان العالم بقي شرير
مين بيحوش الشر ده كل الناس شغاله تصوير
ماتلمي الوحش ياهند
اتجن وجي في ترند
انتي اتجوزتي استاند
مالهش كرامه وكلب فلوس
النسوان قلعت ملط
البودره اسمها بطلت
انا من الي بشوفه قفلت
ده حلم ياعالم ولاكابوس

ممكن نهدي شويه نبطل غيبان بقي ونفوق
احنا استكفينا اشقيه الجني يازماله هو الي يسوق
ممكن نسند بعض ونبقي خوات ليه نكون اخصام
وكفايه برق ورعد ونقفل مملكه الاجرام
اشكال عل الدوغري تعر
ماتقوليش انا مضطر
اتثورج علشان ابقي مخيف
مين فيكو سعيد الحظ
وعامل فيها احمد عز
ييجي من عيل يتغز
وينزل قبر ويبقي فقيد
الاخوات موتو بعض
ولا حد خايف من حد
حسابه الموت بتعد
وكل يومين في ضحايا بتزيد

اهلا بيك ياحبيبنا بقينا عشرين خمسه وعشرين
تبقي جميله يارب بدون ارشاد وبدون مساجين
نرجع زي زمان ايام مالشيبه يتقالو ياخال
مش عايزين اشباح وبلاها شعار كلها ابطال
من غير بودر ودرينك
ونحط رصيد في البنك
والاسود هيكون بنك
وتبقي الخلق جميله وشيك
من غير جرار بروحين
من غير كسب وكيتامين
عايزين عالم فايقين
من غير فوتوشوب وابطال فيك

نفسي اتجوز بت تكون محترمه تصون البيت
مش تنزل بالكت وتعمل لايفات لاجل الصيت
تعرف ربنا صح تعلم ابني الصلاه والصوم
مش نجمه تيك توك كفايه اصل احنا زهقنا نجوم
تتقي ربنا في عيالي
تزعل علي بيجرالي
وتخليني اظبط حالي وتشيلني في وقت الخوف والديقه
مش مايعه ومستعجله
ولا دقه ومسترجله
انا مش ناقص بهدله ده انا جن وبتحول في دقيقه

ربي يخليك ليه يااجدع اخ وارجل شب
صحبي الي مفيش منه جدع ورجوله شهم ويتحب
انت في ضهري وجمبي وعمره مره وجيت خلفت
ده وربي انا من غيرك نفسيتي وحشه وزي الزفت
انت معايا في ديقتي ساندني في حزني مابتجليش
بتجيلي قبل مافكر واحنا الاتنين بنسوق جيش
لما تغيب عن عيني انا يومي بجد مابيعديش
واقف زي السبع وكتف وبكتف ومابتجريش