كلمات أغنية سيف المراجل

تجارب الايام وظروف الايام
تبغي رجل عنده عزوم قوية

مضري ساقة على درب الاقدام
مايرتخي عزمه ولا المعنوية

وانا ليا ناظرت ناظرت قدام
واداحم بجنبي على الافضلية

ولا اخاوي اللي نظرته تحت الاقدام
اليا احتمى الماقف يبيع القضية

ولا اجحد مواقيف الرجال الجلية

يلزمني المعروف والخوة الزام
وارد جمل اللي تجمل علية

واكره ماشوف من الرجاجيل الاقزام
ضعاف الانفس والنوايا الردية

ودام انفتح باب القصايد والالهام
والله لا اطوع كل فكره عصية

في لازم اللي كل ما احتجت له قام
سيف يسل بكل موقف وهية

ابن سراج العز والفزعه شمام
سيف المراجل والنقى والحمية

والهيل فايح من فم الشاذلية

والحيل والحشوان واصناف الانعام
يكرم بها اللافين والنار حية

عز الله انه راس اصوك ومقدام
من لابة تارد حياض المنية

من صلب مصعب كل شاجع وضرغام
واهل المكارم والكفوف النديه

تاريخهم نار على روس الاعلام
وامجادهم تكتب بصبح وعشية

في مدحهم والله مانيب منلام
الهم سلام الله وازكى تحية